P7.4 bilyones nga annual budget sa Mandaue napasar sa second reading
CEBU, Philippines — Giaprobahan sa second reading sa mga sakop sa konseho sa Siyudad sa Mandaue ang 2024 proposed annual budget nga nikabat ngadto sa P7.4 bilyones atol sa ilang sesyon niadtong Miyerkukes.
Ang maong kantidad halos modoble kini sa budget karong tuiga nga P3.8 bilyones.
Nalakip sa maong gahin ang galastohan sa construction sa bag-ong government center sa Cebu International Convention Center.
Si City Treasurer Atty. Regal Oliva ang nikompirma usab kalabot sa tinguha sa kagamhanan sa siyudad sa pag-loan nga bayaran sulod sa 15 ka tuig.
Si Konsehal Marie Immaline Cortes Zafra, chairperson sa Committee on Appropriation Budget and Finance nagkanayon nga nalakip sa tuig 2024 nga gahin ang alang sa disaster ug health program sa kagamhanan ug ingon man ang pagbaton og mga kahimanan ug mga pagbansay-bansay nga pagahimuon sa mga personnel.
Dugang ni Zafra nga naapil usab sa maong gahin ang renovation sa operating room sa Mandaue City Hospital. (BANAT NEWS)
- Latest
