Gidudahang pusher sikop sa Mandaue
CEBU, Philippines — Nasikop sa kapolisan sa Presinto 3 sa Mandaue City Police Office (MCPO) ang usa ka gikatahapang pusher sa Barangay Basak, Siyudad sa Mandaue.
Sa gihimong buy-bust operation sa Presento 3 nga gipangulohan sa ilang hepe nga si Police Major Jade Sumugat nadakpan si Vergilio Hulyo, 33 anyos nga taga Barangay Basak, Siyudad sa Mandaue.
Suma pa ni Sumugat nga natigayon ang buy-bust operation batok kang Hulyo human sila makakuha og kasayuran sa kalambigitan niini sa illegal nga drugas.
Nakuha gikan sa dinakpan ang13 ka gagmay nga pakete sa gituhuang shabu lakip na ang P500 nga buy bust money.
Gitanggong karon ang maong dinakpan sa bilangguan ug pasakaan og kasong kalapasan sa Section 5 sa Republic Act 9165 o Comprehensive Dangerous Drug Act of 2002. (BANAT NEWS)
- Latest
