DOH miklaro nga wa pay kaso sa NIPAH Virus sa Pilipinas

CEBU, Philippines — Ang mga opisyal sa Department of Health Central Visayas niklaro nga wala pay konpirmado nga kaso sa NIPAH Virus sa Pilipinas.

Kini ang nasayran gikan ni Dr. Abdullah Dumama Jr, Undersecretary for Field Implementation and Coordination Team-Visayas and Mindanao Department of Health ug Dr. Jaime Bernadas, DOH-7 Regional Director ug kasamtangan nga Regional Nutrition Committee Chair.

Hangtud ning mga tungura wa pay nadawat ang DOH nga tahu kalabot sa maong matang sa virus.

Dugang pa ni Bernadas, bisan sa nilabay nga pandemya kanunay sila nga andam, ug sa pagkakaron padayon ang ilang monitoring ug wala pa usab silay nadawat nga adunay kaso sa NIPAH Virus sa Pilipinas.

Ang maoy pamahayag ni Bernadas maoy tubag sa taho nga giingong dunay NIPAH virus outbreak sa mga tinun-an ug trabahante sa tunghaan sa Cagayan de Oro sa Northern Mindanao.

Subay niini iyang giawhag ang katawhan nga angay lang gayud nga magmabinantayon sa kanunay.

Ang NIPAH Virus gi classify isip zoonotic virus, diin mahimo kining makatakod tali sa mananap ug tawo. (BANAT NEWS)