CEBU, Philippines — Gisiguro sa mga sakop sa City of Talisay-Traffic Operation Development Authority (CT-TODA) nga operational ang suga sa mga traysikol nga nagdagan sa Dakbayan sa Talisay aron malikay sa aksidente ang mga commuters.
Giangkon ni Jonathan Tumulak, pangu sa CT-TODA nga ang ponder nga suga sa traysikol maoy usa sa mga hinungdan sa disgrasya.
Nagkanayon si Tumulak nga sa di pa mahatagan og prangkisa o pagrenew sa prangkisa ang mga traysikol ila kining gisiguro nga road worthy ang unit.
Ang ilang gibuhat mao ang pagmonitor sa mga tag-iya ug drayber kun nituman ba sab sila niini kay alang raman sab kini sa kaluwasan sa tanan.
Gibana-bana nga moabot sa 1,200 ka mga tryasikol sa Talisay ang adunay prangkisa nga gitugotan nga magdagan.
Gitug-an ni Tumulak nga lakip usab sa gibantayan mao ang mga kolurom nga traysikol. (BANAT NEWS)