Karansa Festival gipahigayon sa siyudad sa Danao
CEBU, Philippines — Dili mominos napulo ka mga barangay sa Dakbayan sa Danao ang niapil sa Karansa Festival kagahapon, Domingo subay sa kapistahan sa Sto. Tomas De Villanueva Parish, karong adlawa.
Ang mga contingent nagpakita sa ilang lain-lain nga mga sayaw nga ilang ipasigarbo gikan sa ilang barangay.
Ang mga barangay gikan: Pundok sa Mapasaigarbuhong Mananayaw sa Danao - Elpidio H. Perez Memorial Vocational High School, Hugpong sa Makugihong Bugsay Taytayanon - Taytay Integrated School, Pundok sa Mananayaw sa Distrito Sais - Maslog National High School, Tribu ni Beatriz - Beatriz D. Durano Memorial National High School, Pundok sa Nagkahiusang Loocanon - Bibiana Mercado Integrated School, Pundok sa Kabatan-onang Mananayaw sa Cahumayan - Cahumayan Senior High School & Ramon M. Durano Sr. Memorial National High School, Tribu Sabanganun - Sabang National High School, Hugpong sa Mahudyaka ug Remarkadong Danawanon - D.T. Durano Memorial Integrated School, Masidlakong Cogonanon - Cogon Cruz Integrated School , Pundok sa Nagkahiusang Mahudyakang Guinsayanon - Guinsay National High School.
Ang Street dancing gipahigayon lang sa pipila ka dapit sa Danao ug gihimo ang Showdown sulod sa Cebu Technological University sa may Sabang Danao.
Bagang duot sa katawhan ang nisaksi sa maong kalihukan, diin samtang nagsuwat ning taho padayon usab ang grand Showdown sa mga contingent.
nag-apod-apod usab ug assistance to individual in crisis situation si Senator Imee Marcos ug nutri bun nga pan ngadto sa mga bata kagahapon diha sa sulod sa gym sa CTU Danao.
Ang mga beneficiary sa AICS mao ang mga manindahay sa Danao City Public Market nga apektado sa sunog niadtong June 2, 2022.
Aduna usab mga apektado sa landslides, demolition ang nakadawat sa maong ayuda.
Tag 3mil ka pesos ang madawat nga ayuda sa mga naapektahan sa sunog gikan sa buhatan sa Department of Social Welfare and Services.
Sumala pa sa DSWD, 1,000 ka mga beneficiaries ang makadawat sa ayuda ug kini gihashasan pag-ayo nga wala magdoble-doble. — /MEL (BANAT NEWS)
- Latest
