CEBU, Philippines — Gisaway sa Visayas Command ang nga militanteng grupo kay matud pa migamit og bata sa ilang lihok protesta.
Ang gipasabot ss Visayas Command kadtong rally nga gipahigayon sa nagkalain-laing grupo may J.Y Square, Barangay Lahug, siyudad sa Sugbo nga duol ra sab sa buhatan sa VisCom.
Tumong sa ilang rally pagsupak sa dakong budget sa pipila ka mga ahensiya sa gobiyerno sama sa Department of National Defense ingon man ang intelligence ug confidential funds sa pipila ka mga dagkong opisyal sa Pilipinas.
Si Lt. General Benedict Arevalo, Commander sa Visayas Command miingon nga gitahod nila ang katungod sa tawhanong pagpadayag apan dili lang apilon ang mga bata.
"These children should be in school, they should be pursuing their studies for them to have a brighter future. This is a clear manifestation of how these militant groups manipulate and twist the mindset of our young generation. They really don’t care about the well-being of our children. They just use them to pursue their senseless goal," matud ni Arevalo.
Gihimug-atan ni Arevalo nga ang maong lihok protesta wala sa lugar aron ipadayag ilang yangungo.
Gitataw sa opisyal nga magpadayon sila sa pagbuhat sa ilang trabaho bisan paman sa mga rally nga himoon sa mga nagkalain-laing grupo. (BANAT NEWS)