216 ang nasikop sa gun ban

CEBU, Philippines — Dili mominus sa 216 ka indibidwal ang nasikop sa unang semana sa pagpatuman sa gun ban agig pagpangandam sa Barangay ug Sangguniang Kabataan Elections karong buwan sa Oktubre.

Sa kinatibuk-ang gidaghanon 211 niini, mga sibilyan, duha ka miyembro sa Armed Forces of the Philippines, 2 ka security guards, ug 1 ka elected government official base sa tahu sa Philippine National Police.

Usa ka security guard ang gikatahung nasikop sa mga sakop sa Police Regional Office 1, ug laing nasikop sa Region 9.

Atol sa gihimong checkpoint sa Region 4-A, usa ka miyembro sa Armed Forces of the Philippines ang nasikop sa 18 ka violators, samtang laing military personnel ang nasikop sa Region 8.

Base usab sa record sa Philippine National Police usa ka elected government official ang nadakpan didto gihapon sa Region 8. — /MEL (BANAT NEWS)