CEBU, Philippines — Pabayaron og P8 mil ang drayber sa truck nga nakamugna og kahuot sa trapiko diha sa Lungsod sa Minglanilla niadtong Miyerkules sa hapon.
Ang drayber sa truck mao si Sotero Legaspi, hingkod ang panuigon, residente sa Dakbayan sa Danao. Si Glenn Antigua, pangulo sa Minglanilla Traffic Commission (MITCOM) nagkanayon nga nadaot ang truck diha sa dalan Pakigne hangtud na kini sa gabii.
Ang lungsod adunay ordinansa sa pagpahamtang og silot sa mga naaberya nga sakyanan nga maoy hinungdan sa pagkabara sa trapiko. Matud ni Antigua nga naayo na ang truck ug gipalahos lang una sa iyang rota paingon ngadto sa Tacloban City.
Apan si Legaspi dili kini makalingkawas tungod kay naisyuhan na siya og citation ticket base sa ordinansa sa lungsod.
Nagkanayon si Antigua nga ang usa ka drayber adunay responsibilidad sa pagsiguro sa iyang sakyanan nga anaa kini sa kondisyon. BDB (BANATNEWS)