Kahuot sa dagan sa trapiko gilauman sa Minglanilla
CEBU, Philippines — Gilauman nga masinate ang kahuot sa dagan sa trapiko sa lungsod sa Minglanilla sugod karon gumikan sa mga kalihukan sa nagsingabot nga kapistahan sa ilang patron Immaculate Heart of Mary.
Kini maoy gitug-an ni Glenn Antigua, pangu sa Minglanilla Traffic Commission (MITCOM).
Matud pa ni Antigua nga nagpahigayon na sila sa ilang opening salvo ug adunay mga kalihukan nga magsubay sila sa kadalanan.
Asoy pa niya nga nidugang sa kalihukan karon ang kapistahan sa Barangay Linao-Lipata ug hinuon nahuman na ang ilang procession.
Nalantawan usab nga daghan sa mga trabahante ang manguli sa ilang lugar panahon sa kapistahan. Busa nihangyo sila sa pagsabot sa mga motorista nga moagi sa Minglanilla.
Ang lungsod sa Minglanilla magsaulog sa ilang kapistahan karong Agusto 22 ning tuiga. (BANAT NEWS)
- Latest
