Masuso gisud og eco-bag gibiyaan

CEBU, Philippines —  Usa ka masuso nga gisulod og eco-bag ug gisab-it lang sa giparking nga motorsiklo diha sa Barangay Poblacion sa Dakbayan sa Lapulapu ang napalgan niadtong nakalabay nga adlaw nga Lunes.

Ang kapolisan sa Lapu-Lapu  City Police Office  (LCPO) nisusi karon sa palibot ilabi na sa mga establisamento ug mga panimalay sa palibot kun duna kanilay nakabantay o ba kaha dunay CCTV nga nakakuha  kinsay nagbilin sa maong masuso.

Ang gituohang siyam ka buwang babayeng masuso matud pang Police Lieutenant Colonel Christian Torres nabantayan nga “malnourished” basi sa paghiling sa mga doktor.

Sa nahipos nilang kasayuran nga adunay nakamatikod sa maong lugar nga dunay usa ka babayeng nagdala sa eco-bag nga gipasalipdan niini og  payong. Apan walay nakaila niini ug wala sila magtuo mao kini ang iyang buhaton. IBM (BANATNEWS)