CEBU, Philippines — Gipangtudloan sa angay nga buhaton ang mga manager ug gwardya sa mga establisamento alang sa pagtubag og kalamidad ingon man emerhensya.
Ang mga sakop sa City Disaster Risk Reduction and Management Office (CDRRMO) sa Talisay nipahigayon sa seminar workshop sa 22 ka manager ug gwardya.
Ilang gilakip ang mga pribado sab nga tunghaan sa siyudad kay sila sab ang saligan sa seguridad sa mga tinun-an.
Si Joel Sisa, pangu sa Operation Department sa CDRRMO nibutyag nga ilang gipasabot sa mga manager ug gwardya kung unsa ang ilang papel panahon sa kalamidad.
Matud pa niya nga mas maayo sab nga lihokon ang ilang relasyon o pakig-alayon sa mga opisyales sa barangay.
Ilang gihimo ang seasonal calendar sa pagsiguro nga walay dautang mahitabo ilabi na kun aduna silay mga kalihukan.
Ang kalihukan gihangop sab sa mga manager ug gwardya isip dugang kaalam nga ipaambit sab sa magkinahanglan. (BANAT NEWS)