43 ka pusher sikop sa gipahigayong SACLEO sa LLCPO

CEBU, Philippines — Nadakpan sa usa ka adlaw nga Simultaneous Anti- criminality Law Enforcement Operation (SACLEO)sa kapolisan sa Lapu-Lapu City Police Office (LLCPO) ang 43 ka pusher ug nakasakmit og 70.62 gramo nga shabu nga nagkantidad tanan ngadto sa P480,948.00 base sa PNP Standard Drug Value. Si Police Colonel Elmer Lim, director sa LLCPO nagkanayon nga nagpahigayon sila og SACLEO gikansa Hulyo 11 hangtud sa Hulyo 12, 2023. Gawas sa gihingusgan nilang kampaniya sa pagpakgang sa ilegal nga drugas apil usab ang kampaniya sa pagsumpo sa ilegal nga sugal diha sa kabarangayan sa Siyudad sa Lapu-Lapu nga niresulta sa pagkasikop sa unom ka sugarol og ilegal nga swertres ug nakasakmit sila og P1, 875 nga pusta uban sa paraphernalia sa maong ilegal nga sugal.

Sa padayon nilang manhunt operation sa mga wanted person nakadakop sila  og 19 ka tawo.

Naglakip sa nadakpan ang top 2, 3, 8 ug top most wanted person sa city level. Samtang sa kampaniya sa paghupot og mga ilegal nga armas adunay  upat nga naglain-laing kalibre diin ang duha niini gitahan diha ilang buhatan ug ang laing duha ilang nasakmit gikan sa ilang dinakpan nga nag-atubang na karon og kaso nga kalapasan sa Akta Republika 10591 kun “Comprehensive Firearm and Ammunition and Regulation Act of 2013”.  — /BDB (BANAT NEWS)