Mga pending nga bayranan sa kalapasan sa trapiko sa Mandaue gipaubsan
CEBU, Philippines — Gilaoman nga maaghat na ang mga tricycle operator sa Siyudad sa Mandaue sa pag-renew sa ni-expire na nilang prangkisa.
Kini gumikan kay gipaubsan na ang na-pending nilang bayranan o multa sa kalapasan sa trapiko. Si Atty. Eddu Ibañez, pangulo sa City Legal Office nagkanayon nga nagsugod na sila sa pagdawat sa renewa sa mga ni-expire nga prangkisa sa traysikol.
Si Hyll Retuya, hepe sa legal office sa Traffic Enforcement Agency of Mandaue (TEAM) nagkanayon nga niadtong Hulyo 5, 2023 nga regular session sa kosehpo hingpit na nga giaprobahan ang resolution nga naglambigit sa mga penalty sa mga drayber sa Siyudad sa Mandaue.
Matud ni Retuya nga ang mga kalapasan sa pipila usab ka mga drayber gikinahangalan nga mabayaran sa dili mo-renew sa prangkisa sa traysikol tungod kay nagkinahanglan kini sa TEAM clearance o provisional TEAM clearance. .
Gipasabot ni Retuya nga ang Team clearance mahimong maangkon samtang gihikay sa drayber ang pagsulbad sa na-pending niining bayranan sama sa multa sa kalapasan niini sa trapiko. – BDB (BANATNEWS)
- Latest
