Mga mobisita sa piniriso sa TCJ ipaubos sa biometrics
CEBU, Philippines — Nagplano ang kadagkoan sa Talisay City Jail nga ipaubos sa biometrics ang mga mobisita sa mga piniriso.
Si konsehal Gail Restauro, chairman sa committee on peace and order nagkanayon nga human sa ilang turn-over sa opisina sa nagdumala sa female dormitory nipaabot usab dayon sila sa ilang plano nga unta mabutangan sila og biometrics ingon man computer.
Nagkanayon si Restauro nga wala siya nagduha-duha niini ug iyaha dayon kini nga gipaaprobahan aron mapalusot ang P100,000 nga budget.
Matud ni Restauro nga ang tumong sa maong plano mao ang paglikay nga makalusot ang kontrabando.
Pinaagi sa biometrics kinahanglan nga kadtong giila nga kabanay sa binilanggo ra ang mahimo nga maparehistro niini.
Mahimong paspas na usab ang pagpasulod sa mga dalaw tungod kay kong kini marehistro na ang biometrics naman lang ang mo ila kanila. — BDB (BANATNEWS)
- Latest
