MANILA, Philippines — Si Mayor Jonas Cortes sa Dakbayan sa Mandaue ang nipakatap og mga LED light diha sa mga kadalanan sa siyudad sa diin iyang nakita nga usa kini sa mga pamaagi sa pagpakgang sa krimen.
Ang buhatan sa Department of General Services maoy gitahasan ni Cortes sa pagtaod sa mga LED light diin lakip sa gibutangan ang mga hilit nga lugar diha sa kabarangayan.
Tumong sa kagamhanan sa siyudad ang pagbaton og kahayag aron masiguro nga luwas ang mga residente sa lugar batok sa mga kriminal ilabi na sa panahon sa kagabhion.
Ang tanang 27 ka barangay sa siyudad ang lakip sa maong proyekto diin lakip niini ang Tawason, Casili, Canduman ug Tingub.