CEBU, Philippines — Nipaabot sa iyang pahasubo si Talisay City Mayor Gerald Anthony “Samsam” Gullas, Jr. ngadto sa pamilya ni kanhi konsehal Jay Garcia sa Siyudad sa Carcar nga giingong nagpakamatay.
Si Gullas nakugang sa pagkadungog sa report nga nitaliwan na ngadto sa laing kalibutan si Garcia.
Matud ni Gullas nga personal siya nga nakaila ni Garcia isip usa ka tarong nga nagserbisyo sa katawhan sa Dakbayan sa Carcar.
“To Councilor Garcia's bereaved family, my sincerest condolences. May God grant him eternal rest”, ni Gullas pa.
Nahibaw-an nga si Garcia kaalyado kini sa grupo sa Alayon sa unang distrito apan napildi kini niadtong niaging piniliay uban sa magtiayong Nicepuro ug Mercy Apura.
Base sa imbesigasyon sa kapolisan sa siyudad nga niadtong higayona nagsaulog sa birthday ang anak ni Garcia diin ang naulahi nigawas kini og niadto sa iyang sakyanan.
Ang pamilya ni Garcia nakadungog og buto apan wa lang kini panumbalinga hangtud nga sila na mismo ang nakakita sa lawas ni Garcia nga nagkadugo na. (BANAT NEWS)