Gealon nakauyon sa tumong sa No Homework Act
CEBU, Philippines — Nipadangat sa ilang pagsuporta ang Konseho sa Siyudad sa Sugbo ngadto sa balaodnon nga giduso ni Senador Ramon Bong Revilla, Jr. nga Senate Bill No. 1792 " o" No Homework Act of 2023." Sa resolusyon nga napasar sa labing ulahi nga session sa Konseho nahisgotan nga ang pagpalabi og hatag og homework sa kay makaapekto gyud sa mga tinun-an.
"Too much homework makes the students less productive and have a negative attitude towards learning, which has a negative impact on grades resulting to high dropout rates," suma sa nangulo sa resolusyon nga si Konsehal Rey Gealon. Nagkanayon ang konsehal nga base sa 2009 research sa Organization for Economic Cooperation and Development and Findings from the Organization for Economic Co-operation and Development's (OECD PISA) nga ang pagahin og oras sa mga homework kay dunay epekto sa performance sa mga tinun-an.
Gikutlo usab niya ang pagtoon sa usa ka unibersidad sa laing nasud niadtong 2016 nga nagtuki nga ang homework makaapekto sa pisikal ug mental health sa nga tinun-an ug 56% niini kay nikonsiderar sa homework nga tinubdan sa stress . Nahisgotan pud sa maong pagtoon nga ang homework kay maoy usa sa rason nga nagkulang ang tulog ang mga tinun-an ug ang uban niini kay naglabad ang ulo.
Ang balaodnon ni Revilla nga " No Homework Act of 2023" kay nag-institutionalize sa Department of Education (DepEd) Memorandum Circular No. 392 nga nagkanayon nga angayan likayan ang paghatag og assignments sa mga tinun-an gikan sa Kinder ngadto Grade 12 sa panahon sa weekends.
Ang paghatag og mandatory homework kinahanglan nga iatol sa weekdays ug dili molapas og duha ka oras nga durasyon sa pagkompleto niini.
"Such policy is in consonance with this representation's belief that the Government should support the policy of no homework for students to achieve a balance between their academic development and personal growth by giving them ample time for personal enjoyment," nagkanayon si Gealon. —/IBM (BANAT NEWS)
- Latest
