CEBU, Philippines — Gitinguha sa kagamhanan sa Dakbayan sa Carcar ang paghimo sa Mt. Binabag nga nahimutang sa Barangay Napo nga ecotourism.
Si Mayor Patrick Barcenas uban sa mga konsehal sa siyudad nga sila si Harold Nacua ug Perkins de Dios lakip ang department heads sa Office of the Builid Official, City Planning and Development Office ug Department of Agriculture ang nitangas sa Mt. Binabag aron makita ang kanindot ang lugar.
Gipadayag ni Barcenas nga hataga niya og pagtagad ang lugar aron mahimo nga ecotourism site.
Matud ni Barcenas nga daghang nindot nga talan-awon sa Mt. Binabag diin ang maong lugar bugnaw kaayo kini tungod kay maggabon ang palibot.
Gitinguha usab ni Barcenas nga mabutangan og karsada padulong ngadto sa bungtod aron dali nga mabisita ang lugar.
Gilaoman sa opisyales sa siyudad nga ang Mt. Binabag madugang sa mga suroyanan sa mga lokal ug langyaw nga mga turista. (/BDB) (BANAT NEWS)