Barangay ASF Task Force gahina’g tag P1 million
CEBU, Philippines — Mohatag og tag usa ka milyon ka pesos ang Probinysa sa Sugbo ngadto sa mga local government units (LGU) alang sa surveillance, monitoring ug ubang kalihokan nga himoon sa mga Barangay Swine Fever Task Force uban sa mga local agriculture ug veterinary office sa LGU.
Sa presentasyon ni Dr. Mary Rose Vincoy ang provincial veterinarian atoll sa Provincial Development Council (PDC) meeting niadtong Abril 27, 2023, ang maong pondo mamahimong ipalit og vdterinary supplies, sama sa syinges, collection needles, ziplock, label; pagpalit og ingredients o raw materials alang sa organic swine feeds; pagpalit og baboy (native/Bisaya) alang sa lechon ug himoon nga anay nga baboy ug pagpalit og mga disinfection.
Si Vincoy nagkanayon nga sbase sa Abril 27 nila nga datus, 41 ka mga LGUs na ang nakakompleto og sumiter sa listahan sa ilang Swine Fever Task Force. Samtang aduna pay mga LGUs sama sa Minglanilla, City of Naga, Bantayan, Madridejos, Danao, Compostela, Poro, Badian ug Mandaue ang kulang pa ang listahan sa mga barangay nga nakasumiter og lista sa task force.
Sa updated nga report sa Provincial Veterinary Office, moabot sa 643, 722 ang swine population sa tibook lalawigan kon diin 368, 613 niini o 57% ang commercial farm ug 43% o 275, 109 ang backyard farm.
Sumala usab sa PVO 68, 626 ang swine raiser ug 362 ang mga lechoneros.
Samtang moabot sa 65, 980 ka mga hog cholera vaccines ang naapod-apod sa Kapitolyo sa nagkadaiyang bakcyard hog raisers sa 27 ka mga local government units sa Probinsya. — IBM ( Banat News )
- Latest
