CEBU, Philippines — Gipasidunggan sa Kagamhanan sa Probinsiya sa Sugbo ang Cebu Police Provincial Office (CPPO) mahitungod sa ilahang natampo aron magmalamposon ang Sinulog sa Carmen.
Ang direktor sa CPPO Police Colonel Rommel Ochave ang nidawat sa plaque of appreciation atol sa awarding ceremony sa Sinulog sa Carmen niadtong Valentine’s Day.
Giila sa kagamhanan sa Probinsiya sa Sugbo ang dakong natampo sa kapolisan sa Probinsiya sa hapsay ug malinawon nga 50th Celebration sa Sinulog sa Carmen niadtong Enero 22, 2023.
Si Ochave mapasalamaton sa kagamhanan sa probinsiya sa pag-ila sa efforts ug contribution sa kapolisan sa maong kalihokan.
Gipasalig sa opisyal nga i-mentinar sa CPPO ang kahapsay ug kalinaw sa Probinsiya sa Sugbo. — BDB (BANATNEWS)