51 na ka kawani sa Cebu City Hall ang nahagbong sa drug test-COSAP

CEBU, Philippines — Niabot na ngadto sa 51 ka mga personnel sa nagkalain-laing departamento sa Cebu City Hall ang naghagbong sa drug test nga gidumala sa Cebu City Office for Substance Abuse Prevention (COSAP) ( kutob December 23, 2022). Gilangkoban kini sa   30 ka job orders, 19 casual  ug usa ka regular empleyado. Base sa datos nga gihatag sa hepe sa COSAP nga si Jonah John Rodriguez , ang mga departamento nga dunay nangahagbong sa drug test gikan sa  Cebu Agriculture Department (1), Building and Maintenance Services (3) , Cebu Environmental Sanitation and Enforcement Team (3),  Sangguniang Panglungsod Secretariat (1) ,  Parks and Playgrounds (1), City Hospitalization Assistance and Medicines Program (2) ,Department of Public Services (1), Vice Mayor's Office (1), Task Force Kasaligan (4) , Market Operations Division (4), Bike Lane (1),  Cebu City Transportation Office (13), ug City Disaster Risk Reduction and Management Office (5), Department of Veterinary Medicine and Fisheries (1) ug

Department of Engineering and Public Works (10). Gibutyag usab ni Rodriguez nga negatibo sa drugtest ang tanang elected officials. Kadtong mahagbong sa drug test ang JO's ug casual nga empleyado dili na makabalik sa trabaho ug dalitan kini  og rehabilitation program.

Apan kun mahagbong ang regular nga empleyado,  ipaubos kini sa unom  ka buwan nga rehabilitasyon. Ipaubos usab ang maong personnel og assessment kalabot sa istado  niini sa ilang rehabilitasyon.  — /IBM (BANAT NEWS)