CEBU, Philippines — Bag-ong Bohol Police Provincial Director Police Colonel Lorenzo Batuan nimando karon sa iyang mga sakop nga mohimo ug mga pamaagi aron mominus ang mga disgrasya sa kadalanan.
Matud pa ni Batuan nga nisaka ang kaso sa aksidente sa kadalanan human sa pagpaluag sa COVID-19 restrictions.
Kasagaran sa mga nalambigit sa disgrasya sa kadalanan mao ang mga turista diin ang uban kanila magpaturatoy lang sa pagpadagan.
Si Batuan nimando sa iyang mga hepe sa kapolisan nga makig-alayon ngadto sa mga nagpaabang ug motor ug mga sakyanan nga mopaambit ug mga safety tips sa mga turista nga mogamit sa ilang transportasyon.
Maoy tinguha sa bag-ong PD nga mohimo ug mga proactive nga pamaagi aron moubos ang aksidente sa kadalanan.
Ipakatap usab ang kapolisan sa mga lugar nga hugpaan sa mga tawo sama sa mga tourist destination sa panglao, tagbilaran ug uban pa. (BANATNEWS)