CEBU, Philippines — Gitudlo ni Cebu City Vice Mayor Raymond Alvin Garcia sila si kanhi city adminstrator Atty. Floro Casas, Jr. isip adviser sa legal matters ug si Metropolitan Cebu Water District Chairman Atty. Jose Daluz III isip adviser sa financial matters.
Nasayran nga si Garcia niluwat og duha ka memorandum niadtong adlaw’ng Martes nga nagtudlo nila ni Casas ug Daluz sa maong posisyon.
“You are to perform the duties, functions, responsibilities, and tasks inherent to your designation. No government fund will be incurred as remuneration relative to this designation order”, tipik sa memorandum ni Garcia. Nalakip usab sa maong memorandum nga ang designation molanat sa tibuok termino ni
Garcia gawas lang kong kini i-recall o ikanselar. Si Casas nahimo kining city administrator sa adminsitrasyon kaniadto ni kanhi mayor
Edgardo Labella apan napulihan kini sa katungdanan sa administrasyon ni Mayor Michael Rama. Samtang si Daluz maoy chairman karon sa MCWD nahimo sab kining konsehal sa Siyudad sa Sugbo.
Base sa Facebook post ni Casas nagpasalamat siya kang Garcia sa pagsalig nga gihatag niini ug dakong garbo kaniya nga mamahimong kabahin sa adbokasiya sa bise mayor.
“Thank you Vice Mayor Atty. Raymond Alvin Garcia for your trust and confidence. It is an honor & privilege to be part of your advocacy for good governance and genuine public service”, ni Casas pa sa iyahang Facebook post. (BANAT NEWS)