Cebu City gimandoan sa paglimpiyo sa 3-meter easement

CEBU, Philippines — Si Atty. Gerry Carillo, chairman sa Cebu City Disaster Risk Reduction Management Council (CCDRMMC) nagkanayon nga kon matukod na ang medium rise building diha sa Sitio Tuburan, Barangay Punta Princesa ug dili na magamit ang container vans nga paliton sa Cebu City Government isip temporaryong kapoy-an sa mga nasunogan ilaha kining ibalhin og laing lugar.

Ug posibleng anha sa South Road Properties ibutang tungod kay magsugod na usa ang siyudad sa ilahang clearing operation sa mga istraktura nga nasulod sa 3-meter easement.

Matud ni Carillo nga tan-awon nila unsaon nga mabalhin kadtong mga anaa sa 3-meter easement tungod kay gipaniguro ni Mayor Michael Rama nga mapangitaan og kabalhinan ang mga maapektohan sa dili pa himuon ang clearing operation.

Gibutyag ni Carillo nga sa meeting nila tali sa Mines and Geo Sciences Bureau sa Department of Environment and Natural Resources niining ulahi lang gimandoan sila nga i-clear ang 3-meter easement.

Giingong ang mga nagpuyo sa maong lugar usa sa contributor sa kahugaw sa kasapaan gumikan kay ang mga basura adto ilabay ug sagad sa mga namuyo diha daplin sa sapa     walay klarong         pansayan.

“During our meeting ingon man to ipauna nila kaning naa sa Colon, pero among gi-assess mura’g dako-dako og trabahuon ang Colon naay mga dagkong structure nga mabugkag, daghan og engineering works nga atong gitan-aw if we are going to implement it”,butyag ni Carillo.

Dugang ni Carillo nga tinguha ni Mayor Rama nga ibalika ang kanindot sa kasapaan sa siyudad ug gi-organize nila pagbalik ang river commission aron ilahang ipresentar kang  Rama ang mga immediate nga trabahuon. —BDB (BANATNEWS)