CEBU, Philippines — Gihatagan og pasidungog sa kagamhanan sa Siyudad sa Lapu-Lapu uban sa Ramon Aboitiz Foundation (RAFI) ang mga top performing barangay sa COVID-19 vaccination campaign atol sa kasaulogan sa ika-61st nga Charter Day anniversary kagahapon sa siyudad.
Ang nahisgutang mga barangay nakadawat kini og certificate of recognition tungod sa taas nga rating niini sa pagmakuna sa mga bata, mga hingkod ang panuigon ug mga senior citizen.
Nag-una nga barangay nga nakabaton og 94 porsyento sa COVID-19 vaccination campaign mao ang Ibo nga nakadawat og P50 mil ug certificate of recognition.
Samtang dugang barangay nga top performing sa vaccination campaign mao ang Barangay Poblacion, Pusok ug Basak
Gihatagan usab og special award ang Barangay Poblacion tungod sa naangkon niini nga herd immunity sa mga senior citizen. (BANAT NEWS)