Babaye  patay human  nalatayi  sa truck

CEBU , Philippines — Patay diha-diha ang usa ka babaye human kini nalatayi og tanker truck diha sa Cebu South Coastal Road (CSCR) sa Barangay San Isidro, Dakbayan sa Talisay niadtong Martes sa gabii. Ang biktima mao si Melody Mellin Patay, 22-anyos, taga Carmen Village, Barangay Poblacion sa nahisgutang siyudad.

Ang suspek mao si Renato Mercader, 52-anyos, drayber sa JLK Trucking sa Dakbayan sa Mandaue.

Ang nahisgutang insidente nasaksihan sa tulo ka motorista kinsa nihulagway nga pareho nga paingon sa

habig sa amihanan ang nalambigit nga motorsiklo ug truck.

Base sa imbestigasyon sa kapolisan nga nga nag-una ang biktima nga nagsakay sa motorsiklo samtang nagsunod ang truck.

Ug pag-abot diha sa nahisgutang lugar nabag-iran sa kilid ang biktima hinungdan sa pagkahagbong niini diha sa karsada ug nalatayan sa truck nga hinungdan usab sa kamatayon niini.

Si Mercader natingkagol kini diha sa detention cell sa Talisay City Police Station ug gikatakda kini nga

pasakaan og tukmang kaso. (BANAT NEWS)