CEBU, Philippines — Nag umol og youth desk ang Cebu City SK Federation diha sa SM seaside nga
magsilbi kini nga working station ug study center alang sa mga indibidwal nga wala gihapoy kuryente ug internet sa ilang panimay.
Matud pa sa presidente sa SKF sa siyudad nga si Jessica Resch nga dunay ubang trabahante ilabi na kadtong naka work-from-home ingon man usab ang mga tinun-an ang apektado gyud sa bagyo busa kinahanglan nga hatagan sila og temoraryong pwesto.
Kaabag sa SKF sa maong programa mao ang SM seaside ug PLDT.
Ang maong area maka accommodate og 30 ngadto sa 40 ka tawo ug posibleng dugangan pa nila kini kun ugaling dagsaan kini sa mga tawo.
Gisugdan na kini sa miagig adlaw ug molungtad kini ug usa ka buwan.
“Ato pud tan awon ang sitwasyon kun gkinahanglan pa siya, posible nga adto siya i extend” matud pa ni Resch.
Sa maong pamaagi makapadaypn sa ilang adlaw adlaw nga gimbuhaton ang mga tinun-an ug mga trabahante. —MEL (BANATNEWS)