25 ka drug surrenderees ipaubos sa skills training
CEBU, Philippines — Ang Lungsod sa Consolacion nihimo og kasabutan tali sa Don Bosco Boys Home Technical Vocational Education and Training Center sa Lungsod sa Liloan aron sa pagtabang sa 25 ka drug surrenderees sa lungsod aron makabalik sila sa katilingban nga adunay kaalam.
Ang surrenderees ipaubos kini skills training sama sa carpentry, machinery ug welding aron makabaton sila og national certification human sa ilang skills training hangtud sila makatrabaho.
Si Mayor Joannes Joyjoy Alegado uban sa kaparian nga SDB nga gipangulohan ni Padre Fernando Peralta nihimo og contract of service signing.
Matud ni Alegado nga malipayon siya nga iyang nakita ang panglantaw sa mga recovering drug dependents ilabi na nga magsugod na sila sa ilang skills training sa Don Bosco TVET.
Dugang ni Alegado nga ang iyang administrasyon andam nga mosuporta sa drug surrenderees pinaagi sa lain-laing kalihokan sa CBRP aron mahimo kini silang malambuon nga mga lungsoranon. (BANAT NEWS)
- Latest
