CEBU, Philippines — Gihangop sa mga sakop sa Daughters of St. Teresa sa Barangay Valladolid Dakbayan sa Carcar ug sa mga magtutuo ang paghatag sa
Congregation for the Causes of Saints sa Vatican og unanimous affirmative vote nga 9 out of 9 sa Heroic Virtues sa Servant of God,
Archbishop Teofilo Camomot. Matud pa ni Mother Louella Grace Buscato, Mother Superior sa DST, niadtong adlaw nga gipahigayon ang Final Congress sa Positio ni Archbishop Camomot didto sa Roma, hinungdan nagpahigayon usab sila ug Eucharistic Celebration and Vigal sa kapilya ni Camomot.
Sumala pa ni Buscato niadtong adlaw nga Martes wala siya makasabot sa iyang gibati sa dihang nakadawat sila og maayong balita nga giparobahan sa mga Theologians, ang Heroic Virtues ni Camomot samtang magpahigayon unta sila og Thanksgiving Mass.
Ang sunod nga proseso mao ang pagduso sa Cause of Beautification and Canonization ni Camomot ngadto sa mga Obispo ug mga Kardinal alang sa dugang pagsusi sa heroic virtues niini.
Kung mahuman na ang pagtuon, ipresentar gilayon kini ngadto sa Santo Papa alang sa approval ug makonsiderar na gilayon si Camomot nga Venerable.
Padayong giawhag ni Buscato ang katawhan sa pag-ampo alang sa pagdeklarar kang Camomot sa pagka beato ngadto na sa pagka santo.
Giawhag usab niya ang mga tawong gidungog ang mga pag-ampo pinaagi sa pagpangayo og tabang kang Camomot o ba kaha mga milagrong nadawat gikan ni Camomot nga modangop sa ilang buhatan aron ilaha kining mapadangat ngadto sa Roma. (BANAT NEWS)