CEBU, Philippines — Alang sa mga biyahedor gikan sa Leyte nga moadto sa Lungsod sa Pilar, Isla sa Camotes sa Lalawigan sa Sugbo dili na kinahanglan pa nga mopakita og negative nga RT-PCR test o antigen result aron makasulod sa lungsod.
Kini base sa memorandum nga giluwat ni Gobernador Gwendolyn Garcia niadtong Septiyembre 27,2021.
Sa maong memorandum nga gi-post diha sa Facebook page sa Lungsod sa Pilar ang mga mobiyahe gikan Leyte padulong sa lungsod kinahanglan lang makasumiter og medical certificate.
“They shall submit a medical certificate certifying that they do not exhibit symptoms of the covid-19 disease”, tipik sa memorandum nga giluwatan ni Garcia nga gi-post kagahapon sa Facebook page sa maong lungsod. Kinahanglan usab nga ang maong medical certificate sulod sa 24 oras sa dili pa ang biyahe sa pasahero padulong sa Pilar.
Ang maong memorandum giluwat alang sa mga mayor sa lungsod, Philippine Coastguard ug Philippine National Police.
Sa laing bahin, subling giawhag ni Cebu Archbishop Jose Palma ang mga magtutuo nga magpabakuna ug dili na mamili og bakuna aron makab-ot ang herd immunity.
Gawas lang niadtong mga indibidwal nga dili pwedeng magpabakuna tungod sa gipamati sa lawas.
Matud ni Palma nga dili pa lang dugay gikan sila sa Hungary diin nitambong sila sa International Eucharistic Congress sa Budapest ug gitugotan sila nga dili na mag-face mask sa maong lugar tungod kay nakab-ot naman nila ang herd immunity. BDB (BANATNEWS)