Senior citizens managlahi ang reaksyon sa cash card nga gihatag sa siyudad
Cebu, Philippines — Nakabaton og managlahing reaksyon gikan sa mga senior citizens ang kabahin sa gi-apod apod nga cash cards sa kagamhanan sa Dakbayan sa Sugbo alang sa financial assistance sa mga seniors.
Suma pa sa Executive Director sa OSCA Jeffrey Ocampo nga dunay ubang mga senior citizens nga nalipay nga nakadawat sa cash cards ug duna say pipila nga mas gusto nga cash nalang ilang madawat.
“Daghan man tawon maglisod sad nga di na ka withdraw unya gamay ra pud ang machine sa Landbank limitado ra pud mao na ilang opinion nga mapugos intawon sila og panugo unya gawas pa niana di nila makuha ang tibook kwarta”, ni Ocampo pa.
Sa miaging semana gisugdan sa Cebu City Government ang pagpang-apod-apod sa financial assistance sa mga senior citizens diin gi-house to house kini aron dili na kinahanglan pa mogawas ang mga senior citizens gumikan sa hulga sa coronavirus disease.
Moabot sa kapin 80,000 ka mga senior citizens ang nakadawat og P4, 000 alang sa buwan sa Septiyembre, Oktubre, Nobiyembre ug Desiyembre ug gidungan usab ang paghatag sa cash card.
Sa nasayran ang Cebu City Government nakig-alayon sa LandBank of the Philippines alang sa cash cards aron didto nalang ihulog ang financial assistance sa mga senior citizens.
Ang gipang apod apod nga cash card sa mga seniors magamit unya pa sa sunod tuig. ( BANAT NEWS)
- Latest
