Kapin 18 mil naisyuha’g citation tickets
CEBU, Philippines — Kapin sa 18 mil ka traffic violators sa Dakbayan sa Sugbo ang naisyohan og citation ticket sa buwan sa Septiyembre samtang kapin 600 sab ka sakyanan ug mga motorsiklo ang na-impound sa Cebu City Transportation Office tungod sa nagkalainlaing kalapasan sa trapiko.
“Dapat dili sila magpataka og parking sa mga kadalanan ug kompleto pud unta ilang mga papeles sa pagpadagan sa ilang mga sakyanan aron dili sila madakpan ug maka multa,” suma pa sa tigpamaba sa CCTO nga si John Paul Amores.
Sa susamang buwan, naka -impound pud ang CCTO og 646 ka motorsiklo ,82 ka truck,88 ka trailers , 17 ka tricycle, ug usa ka taxi.
Kasagaran sa ilang violations naglangkob sa walay rehistro, expired registration ug walay lisensya ug ang uban napagtaka og parking maong gi-clamp ug gipamulta og P1,500 ang mga tagiya niini.
Ang mga lugar diin adunay na clamp gikan sa F.Villa-16; T.Padilla-17; M.J Cuenco-16; Xiamen St./Mabolo-17; New Era/Mabolo-11; L.Tudtud/Mabolo-8; R.Cabahug Ext./-5; A.Soriano/Mabolo-2; Archbishop Reyes/Cabantan-10; Gov.Cuenco/Bo.Luz-2; Gonzales compound/Camputhaw-6; Elizabeth Pond-4.
Samtang gisugdan na usab sa CCTO ang pag-deploy sa ilang mga personnel ngadto sa mga sementeryo tungod kay gipaabot nilang karong sayo palang sa buwan sa Oktubre magsugod na og duaw ang mga tawo tungod pasirad-an man kini sa Oktubre 30 hangtud Nobiyembre 3. Rowena D. Capistrano/IBM (BANATNEWS)
- Latest
