CEBU, Philippines — Naalarma ang grupo sa mga non-government organizations sa mga kaso sa pag-abuso sa kababayenhan ug kabataan atol sa quarantine period.
Sa Hunyo 11, 2020 nga datus, ang Philippine National Police (PNP) nakatala og 2, 183 ka kaso sa pag-abuso sa kababayenhan ug 2, 077 usab ka kaso sa pag-abuso sa mga minor edad human gipatuman ang community quarantine lukop nasud sukad niadtong bulan sa Marso ning tuiga.
“On top of this are reports of police arrests of family members found trafficking and sexually abusing their own children and relatives online, all within the confines of their homes. These are also evident in the influx of cases brought to the attention of NGOs. Child-focused groups are receiving more and more reports of harassment and sex trafficking on social media, with many online perpetrators even promising ‘lifetime membership’ and ‘exclusive access’ to child sexual abuse photos and videos.” Pagbasa sa press release sa maong grupo.
Base sa nahipos nga datus sa Philippine Commission on Women, kasagaran nga pag-abuso nga nahimo mao ang kalapasan sa Anti-Rape Law, Anti-Violence Against Women and their Children Act, Articles No. 334 and 336 of the Revised Penal Code, Anti-Photo and Video Voyeurism Act, Anti-Trafficking in Persons Act, Anti-Sexual Harassment Act, ug Safe Spaces Act.
Naalarma usab ang Girls Advocacy Alliance sa posibilidad nga ang maong kaso nga natala dili pa ang tinud-anay nga sitwasyon o gidaghanon sa pag-abuso sa nasod.
Matod sa maong grupo, posible aduna pay mga biktima nga natanggong sa ilang mga panimalay uban sa ilang mga “abusers’ apan wala ra makapadangat og reklamo tungod sa kwarantina ug kahadlok lakip na sa limitado nga pag access sa ilang proteksyon ug support service.
Giila hinoon sa Girls Advocacy Alliance ang padayon nga pagpanalipod sa mga kababayenhan ug kabatan-onan karong nga adunay pandemya. /MEL(BANATNEWS)