CEBU, Philippines — Ang Archdiocese of Cebu uban ang Caritas Cebu Inc. ug Commission on the Laity nitunol na usab ug dugang ayuda sa Barangay Labangon ug Barangay Suba sa Dakbayan sa Sugbo nga parehong naapektahan sa coronavirus disease (COVID-19).
Ang chairman sa Cebu Caritas Inc Fr. Alex Cola Jr. nga nahinabi sa Banat News miingon nga 600 ka pack of goods nga naglangkob sa 3 kilos of rice, 4 delata ug 2 ka noodles lakip ang 600 ka facemask ang ilang nahatag ngadto sa Labangon.
Dugang pa ni Cola, 40 usab ka sako nga bugas, 10 ka box beef loaf ug 1,000 facemask ang ilang gitunol sa Barangay Suba nga gipaagi sa Sto. Niño Parish.
Sumala pa ni Cola, kauban nila ang COL nga gipangulohan ni Fe Mantuhac-Barino sa pagpangaylap ug donasyon alang sa pagtabang sa mga nanginahanglan.
Padayon gihapon modawat ang CCI ug COL sa mga buot modonar tungod kay aduna pa man silay daghan hataganan ug hinabang. /IBM (BANATNEWS)