CEBU, Philippines — Gidasig ni Archbishop Jose Palma sa Archdiocese of Cebu ang mga kaparian sa pagpaambit sa ilang mga share alang sa mga apektado sa covid-19 pandemic.
Gidasig ni Palma ang iyang mga kaparian sa pagpaabot sa ilang mga financial nga hinabang ngadto sa Caritas Cebu Inc, nga maoy nangulo karon sa pagpanghatag og mga hinabang ngadto sa mga parokya,
Si Padre Charles Jayme, pangulo sa Relief and Rehabilitation Unit sa Archdiocese of Cebu nitug-an nga ubay-ubay na sa mga kaparian ang nipaambit sa ilang assistance ngadto sa Caritas Cebu. Matud ni Jayme nga ang donasyon sa kaparian nagdepende ra kini kanila.
Ang kaparian padayon gihapon nga nidonar bisan og nagpahigayon usab kini sila og tabang ngadto sa ilang mga katawhan ilabi na kadtong grabe nga nagkalisod-lisod.
Ang Cebu Caritas Inc, maoy gitahasan sa pagpaabot sa mga tabang ilabi na ngadto sa mas grabeng naapektahan sa covid-19 pandemic. /BDB (BANATNEWS)