CEBU, Philippines — Miabot na og 217 ka tawo sa Pilipinas ang natakboyan og novel coronavirus (COVID19) samtang pabiling 17 ang gidaghanon sa mga namatay samtang nagkahugot ang gipatumang panagang sa gobiyerno sa pagkatap niini.
Sumala pa sa Philstar.com, gipahibalo sa Department of Health dunay nadugang nga 15 ka COVID-19 cases. Apan dunay 48- anyos nga lalaking taga Cavite City nga nakabiyahe sa Japan ang naayo na. Siya maoy ikawalo sa mga natakboyan nga naulian gikan sa maong sakit.
Ang maong pasyente gipagawas na sa Research Institute of Tropical Medicine human nigawas sa duha ka test nga negatibo na kini sa maong virus.
Niadtong adlaw nga Miyerkules, ang DOH miingon nga posibleng moabot og 75 mil ka tawo ang matakboyan niini sud sa tulo ka buwan kun karon palang dili mapugngan ang pagkatap niini.
Ang gobiyerno mipaubos na sa nasud og state of calamity samtang ang nagkadaiyang local government units nagpatuman na og kaugalingong quarantine measures. IBM (BANATNEWS)