CEBU, Philippines — Gibutyag ni Atty. Marchel Sarno, Commission on Election Cebu City North District Election Officer mopahigayon sila og satellite registration sa mga Barangay sa Siyudad sa Sugbo.
Giawhag niini ang mga barangay officials nga moadto sa ilang buhatan ug mo-request alang sa satellite registration nga pagahimoon. Si Sarno mitataw nga itandi sa ubang lugar arang-arang sa Cebu City apan kini miangkon nga kun itandi sa regular nga adlaw ingon man Sabado menus gyud ang moadto sa ilang buhatan aron magparehistro.
Kini maoy hinungdan nga kinahanglan nila mogawas sa ilang opisina ug moadto sa mga barangay aron duol nalang sila sa magparehistro. Ang registration nagsugod niadtong Enero 20, 2020 ug matapos kini sa Septiyembre 20, 2021, usa ka tuig ug walo ka buwan ang gihatag nga tagal sa ahensiya aron makaparehistro ang mga tawo alang sa umaabot nga May 2022 National ug Local Elections. /IBM (BANATNEWS)