CEBU, Philippines — Mga ginang sa panimalay sa Barangay Buaya sa Dakbayan sa Lapu-Lapu misalmot sa livelihood training program nga gidalit sa siyudad aron ilang magamit nga panginabuhian. Moabot sa 230 ka mga ginang ang nipaubos sa libreng skills training sama sa pagpanggama og sabon panglaba, binangkal, tocino, puto cheese ug uban pa.
Ang Lapu-Lapu City Cooperative and Livelihood Resource Center (LCLRC) maoy nagtudlo kanila subay sa kagustohan ni Mayor Junard “Ahong” Chan.
“I encourage them nga kadtong mga ginikanan nga way kita, anaa ang gobiyerno nga motabang sa mga pobre,” ni Chan pa.
Ang libreng livelihood skills training program kabahin kini sa kalihokan sa Women’s Month niining bulana.
Ang pangulo sa LCLRC, Josephine Quirante miingon nga ang siyudad maoy nigasto sa mga materyales nga gigamit sa maong training. /IBM (BANATNEWS)