CEBU, Philippines – Way nasakpang ginadiling drugas sa gihimong Talisay City Jail human sa gihimo nga greyhound operation niadtong Sabado sa buntag.
Si Chief Insp. Crisyrel Awe, warden sa TCJ nagkanayon nga kapin na usa ka tuig nga pabiling limpyo gikan sa ilegal nga drugas ug ubang kontrabando ang pasilidad. Ang TCJ usa sa mga pasilidad sa Central Visayas nga gideklara nga drug cleared kaniadto.
Matud pa ni Awe nga gipaningkamotan gyud nila nga mahanaw sa drugas ang ipang pasilidad aron ang mga tawo nga naa sa sulod maputol ang bisyo.
Miabot sa 1,362 ka mga piniriso ang naa nila karon.
Sa laing bahin, walay drugas sab nga nakuha sa Minglanilla Municipal Jail sa gihimo nga pagutingkay sa kagamitan sa mga binilanggo sa samang adlaw.
Kahinumdoman nga sa Cebu City Jail nasakmit ang daghang kontrabando nga naglakip sa mga pinaketeng shabu sa gihimong greyhound operation niadtong Sabado sa buntag. /IBM (BANAT NEWS)