CEBU, Philippines – Ang Department of Trade and Industry (DTI) nagkanayon nga walay pagsaka sa presyo sa baboy ug karne sa baboy sa Probinsya sa Sugbo sulod sa tulo ka bulan.
Kini bisan pa man nga nipatuman na og ban sa pagsulod sa Probinsiya sa Sugbo sa mga baboy gikan sa tibuok Mindano tungod sa hulga sa African Swine Fever (ASF).
Si Asteria Caberte, direktor sa DTI-7 nagkanayon nga waylay kausaban sa presyo sa baboy base sa ilang gihimong monitoring sa mga supermarket ug wet market sukad niadtong Pebrero 3 hangtud Petra 6, 2020.
Subay niini, si Gobernador Gwendolyn Garcia niluwat kini og executive order sa pag-ban sa tanang baboy, pork products, ug bisan sa mga karne nga masagol sa karne sa baboy gikan sa Mindano human niabot na sa Davao ang ASF.
Ang ban epektiob kagahapon ug molungtad sulod sa 90 ka adlaw. Sa laing bahin, Si Cebu City Mayor Edgardo Labella niluwat kagahapon sa Executive Order (EO) No. 44 Series of 2020 kagahapon sa pag-ban sa mga baboy gikan sa Mindanao sulod sa 60 ka adlaw.
Matud ni Labella nga ang Sugbo ang ikaupat nga producer sa baboy sa nasud diin aduna kini 11 bilyones nga tinuig nga kontribusyon sa industriya sa agrikultura sa nasud.
Ang siyudad aduna kini kasamtangang Executive Order (EO) No.15 nga nagdili usab sa pagpasulod og mga baboy ug mga produkto sa baboy gikan sa Luzon. Alicia Ivy L. Chua/BDB (BANAT NEWS)