CEBU, Philippines — Pipila ka mga motor ug sakyanan ang gikarga ug na towing sa Cebu City Transportation Office atol sa gipahigayon nga clearing operation kagahapon sa buntag sa rota sa Solemn Foot Procession.
Si John Paul Amores ang Public Information Officer sa communications and electronics sa CCTO miingon nga 32 ka motor ug upat ka sakyanan ang illegal nga giparking sa kadalanan.
Sumala pa ni Amores, sayo sa buntag nanghawan na sila sa rota sama sa Vicente Sotto area, dalan V. Gullas ug D. Jakosalem sa downtown area.
Gitambagan ni Amores ang mga tagiya sa mga sakyanan nga moadto sa opisina sa CCTO aron sa pagbayad sa ilang multa. /IBM (BANATNEWS)