CEBU, Philippines — Nagtigom kagahapon ang mga sakop sa Cebu City Legal Office diin gituki nila ang kabahin sa paghatag sa P5 milyones nga tabang pinansiyal ngadto sa mga barangay sa siyudad.
Si Rey Gealon, city legal officer nibutyag nga ang mga kapitan aduna pay wala ma-liquidate nga hinabang diin uban niini sa ilaha pa kining napulihan nga mga kapitan.
“We are taking legal measures to release the fund vis-a-vis strengthening our legal position on the matter”, matud ni Gealon.
Sayo pa, si Mayor Edgardo Labella nipahibawo nga ang 46 ka barangay makadawat sa maong tabang. Ang siyudad aduna kini 80 ka barangay diin sayo pa ang 34 ang naisyuhan na og mga tseke sa City Treasurer's Office (CTO).
Si Atty. Jerone Castillo sa CTO nagkanayon nga ang mga kapitan nga napakyas sa pag-liquidate sa pinansiyal nga tabang nga una nilang nadawat kinahanglan nga mogama kini og affidavit of undertaking. /BDB (BANATNEWS)