CEBU, Philippines — Mga 16 ka retiradong polis nga taga Dakbayan sa Talisay ang gipasidunggan ug gihatagan og pinaskohan niadtong Lunes sa hapon diha sa atubangan sa Talisay City Police Station.
Si Police Major Gerard Ace Pelare, hepe sa Talisay City Police Station nibutyag nga gihatagan nila og palahi nga party ang mga retiradong polis nga residente sa siyudad ingon man sa pagpangumusta sa ilang tagsa ka kinabuhi human nipahuway sa serbisyo.
Si Police Brigadier General Ildebrandi Usana ang nahimong guest speaker samtang si Retired Brigadier General Cecil Ezra Sandalo, kasamtangang consultant sa peace and order sa siyudad lakip kini sa mga bisita.
Si Usana nagkanayon nga giisip niya nga “unsung heroes” ang mga retiradong polis tungod kay kong unsa man ang nadawat sa bag-ong polis karon mao usab ang ilang gipakitang paningkamot sa ilang serbisyo.
Gitunolan og pasidungog ug bundles of joy ang 16 ka retiradong polis uban ni Usana.
Ang mga nahisgutang retiradong polis gilangkuban nila ni Police Captain Isagani Abalo, Police Lieutenant Emmanuel Candia, Police Lieutenant Ricardo Nayne, Police Executive Master Sergeant Melflor Bihag, Police Executive Master Sergeant Celso Lopez, Police Staff Sergeant Jaime Abellana, Police Lieutenant Rosalio Ybas, Police Executive Master Sergeant Cleofas Bonjoc, Police Executive Master Sergeant Angelito Abellana, Police Executive Master Sergeant Eduardo Bacallan, Police Captain Ricardo Echavez, Police Staff Sergeant Edwin Cayetano Alvarado, Police Chief Master Sergeant Romeo Hurboda, Police Captain Jose Davide, Jr., Police Executive Master Sergeant Sancho Fiel, Jr., ug Police Executive Master Sergeant Rolando Batatas.
Samtang si Sandalo niawhag sa mga polis nga retirado sa paghatag gihapon og panahon nga makaserbisyo sa publiko.
Si Pelare nagkanayon nga buot niya nga mapaabot sa mga polis kaniadto nga sila nga naa pa sa serbisyo ang wala malimot kanila nga maoy nag-una sa paghatag og serbisyo sa katawhan. (BANAT NEWS)