Garcia pabor isibog ang Baragay., SK Elections

CEBU, Philippines — Pabor si Gobernador Gwendolyn Garcia nga iuswag ang barangay ug Sangguniang Kabataan (SK) elections gikan sa 2020 ngadto na sa Disyembre 2022.

“I fully agree because bisan gani diri sa atoa sa local magsige ra ta’g election, walay continuity,” matud ni Garcia.

Daan nga gipaabot nga aprubahan ni Presidente Rodrigo Duterte sa pagirog sa barangay ug SK election kay atol sa State of the Nation Address niini, iyaha naman kining gihisgutan nga ipasibog og laing petsa.

Ang Republic Act 11462 nga bagohay lang napasar epektibong naguswag sa piniliay sa barangay gikan sa Mayo 2020 ngadto na sa Disyembre 5, 2022,

Nagkanayon si Garcia nga susama sa pagtaas sa termino sa paglingkod sa mga opisyal sa barangay positions ang nga programa ug proyekto nga ipatuman partikular na ang tabang sa probinsya sa Sugbo ngadto sa mga barangay.

Si Garcia unang nagkanayon nga mo set siya og guidelines kalabot sa ihatag nga assistance sa kapitolyo ngadto sa mga barangay.  “Duna na akoy pamaagi to ensure nga ang kwarta nato kung gastuhon man kanang dunay lasting value ug mas daghan makagamit,” matud ni Garcia.

Sumala pa niya kinahanglang ang mga proyekto sa barangay dili lang para pangpahumot sa mga tawo kay ang naglingkod nagplanong modagan pagbalik. Kalabot niini, gipahibalo ni Garcia nga dili na mohatag ang lalawigan og mga tulda ug mono block chairs o ngadto sa mga barangay.

Ang outline sa hinabang sa kapitolyo ngadto sa mga barangay iya kining ibutyag atol sa barangay assembly karong adlawa IEC Pavilion nga tambungan sa nagkadaiyang barangay officials sa tibuok lalawigan.  IBM (BANATNEWS)