Armadong mga lalaki nasigpatan sa Bohol
CEBU, Philippines — Usa ka engkwentro ang nahitabo tali sa pwersa sa gobiyerno ug gituohang mga armadong grupo nga usa unang report gituohang mga rebeldeng New Peoples Army diha sa Brgy. Rizal, Batuan, Probinsya sa Bohol kagahapon sa udto.
Gikompirmar ni 1st Lt. Elma Grace Remonde, Civil Military Officer sa 47th Infantry Battalion nga dunay gihimong joint operation ang kapolisan sa Bohol Provincial Police Office ug ang 47th IB sa maong dapit.
Ang operasyon gilusad human nakadawat og report ang kapolisan bahin sa armadong mga lalaki sa maong dapit.
Matud pa nga pagabot sa mga tropa sa gobiyerno sa lugar nisunod dayon ang engkwentro. Hinugdan nga nagpahigayon og massive checkpoints ang tibuok BPPO sa ilang tagsa-tagsa nga lugar.
Dugang pa ni Remonde nga bisan pa man nga gideklara nga insurgency free ang Bohol pipila ka tuig na ang nakalabay, anaa pa gihapon kini sa recovery stage.
Matud niya gikinahanglan nga magpadayon kini apan dako og papel ang mga lokal na kagamhanan ug publiko.
Sa pagsuwat ning balita, wala pay report kung dunay nakalas sa maong hitabo. IBM (BANAT NEWS)
- Latest
