Kapolisan andam modakop pagbalik sa 3 konbiktado sa Chiong case

CEBU, Philippines – Dili magduha-duha ang kapolisan sa pagsikop pagbalik sa tulo ka konbiktado sa kasong paglugos ug pagpatay sa magsuong Chiong kinsa gibuhian sa Bureau of Corrections tungod sa Good Conduct Time Allowance.

Kini sumala pa ni Cebu City Police Office Director Gemma Cruz-Vinluan sa higayon nga makadawat sila og mando gikan sa korte.

Ang tulo gikan sa pito ka konbiktado sa kamatayon sa magsuong Chiong niadtong 1997 mao sila si Josman Aznar, Ariel Balansag ug Alberto Caño.

Lakip sa ilang gi-monitor kadtong ni-avail sa plea bargaining agreement ilabi na kadtong nakuhaan og ubos sa singko gramos nga ilegal nga drugas tungod kay kung dili sila mag-usab daku ang ilang purohan nga mobalik gyud sila sa prisohan.

Awhag ni Vinluan sa mga ni-avail sa plea bargaining agreement nga magbag-o na gayud sa hingpit sa ilang kinabuhi ug dili na moapil sa mga binuang. (/GMR)(BANAT NEWS)