CEBU, Philippines – Nakasang-at na og Writ of Execution kagahapon si Allen Canoy kinsa maoy nipasaka og petisyon sa Comelec pagpakanselar sa kandidatura ni reelected Councilor Alvin Arcilla kay giingong dili na kini mahimong modagan sa 2019 Midterm Election sanglit napili na kini sa susamang posisyon, tulo na ka consecutive terms.
Kahinumduman nga si Arcilla na-disqualified sa pagdagan niini sa miaging piniliay human ang Comelec en banc mideklarar sa desisyon niini nga final ug executory.
Gikinahanglan ang maong writ aron maproklamar ang konsehal nga nagsunod sa ika-walo nga pwesto nga konsehal ug kini mao si outgoing councilor Jerry Guardo nga anaa sa ika-siyam nga pwesto. Ang maong writ gipirmahan ni Sheriff M. Abas nga maoy tsirman sa Comelec en banc ug mimando nga i-implementar dayon kini. (/DILT)(BANAT NEWS)