Davide niawhag suportahan ang bag-ong administrasyon
CEBU, Philippines — Giawhag ni Gobernador Hilario Davide III ang mga empleyado sa Kapitolyo nga suportahan ang administrasyon ni incoming governor Gwendolyn Garcia.
Atol sa flag raising ceremony kagahapon sa Kapitolyo nga gipangulohan ni Davide nagpasalamat kini sa suporta nga iyang nakuha sa mga empleyado ug nihangyo nga suportahan silang duha ni Garcia. “She needs all your support”, matud ni Davide atubangan sa mga empleyado sa Kapitolyo.
Si Davide nangayo usab og pasaylo sa mga wala nakauyon ug nahiubos kaniya sa iyang pagdumala sa Kapitolyo.
“Mangayo ko og pasaylo sa katong atong mga kaubanan dinhi nga nahiubos kanako, pero niini atong trabaho is very difficult to please everybody”, matud ni Davide. Gihulagway ni Davide ang duha niya ka termino isip gobernador sulod sa unom ka tuig nga “challenging and fulfilling”.
“I am truly honored and privilege to serve with you sa atong panerbisyo para sa atong pinanggang Sugbo”, ni Davide pa.
Si Davide mo-turnover kini sa administrasyon sa Kapitolyo ngadto kang Garcia karong umaabot Hunyo 28. Ang kampo ni Garcia nihangyo nga isayo ang turnover o sa Hunyo 27 unta ang turnover.
Apan si Davide nagkanayon nga dili nila mapaatras ang schedule tungod kay aduna na siya’y prior commitments.
“I have prior commitments, lisod kaayo iatras..I cannot change it kay maulaw ko sa atong gisaaran”, dugang ni Davide. (BANAT NEWS)
- Latest
