PNP foundation midonar ngadto sa PRO-7
CEBU, Philippines — Ang kapolisan sa rehiyon siete nakadawat og moabot P1.2 milyones nga donasyon gikan sa foundation nga gipangulohan ni Senador Panfilo Lacson ang kanhi komander sa Philippine Constabulary.
Personal nga miduaw kagahapon sa buntag sa buhatan sa Police Regional Office-7 si Lacson aron itunol ang usa ka unit sa Toyota Innova, 714 ka undershirt, 76 ka waistcoat vest, 29 ka unmanned aerial vehicle, 29 ka unit nga selpon ug 36 ka bisekleta.
Ang maong mga donasyon gikan sa Philippine National Police Foundation Incorporated.
“Ito ay maliliit na bagay lamang para makatulong na rin sa ibang regional police offices na hindi na kinakaya ng kanilang Maintenance and Other Operational Expenses,” sigon pa ni Lacson.
Dugang sa senador nga pagpili sa ilang hatagan moagi og selection process kon unsa nga buhatan ang labing nanginahanglan.
Si PBGen. Debold Sinas mapasalamaton kang Lacson ug sa foundation niini. Matud niya nga tungod sa background ni Lacson, nasayod kini kon kinsay nanginahanglan ug unsay gikinahanglan.
Matud niya nga tungod sa mga bag-ong gamit, mas mapanindot pa unya nila ang kampanya batok kriminalidad.
"Kining mga bag-o nga gamit kay alang sad ni sa sunod-sunod nga dagku nga events; summer vacation, holy week, elections, and then balik eskwela," sigon ni Sinas. DILT (BANATNEWS)
- Latest
