Baricuatro mag independente

CEBU, Philippines – Gusto ng buhian ni Board Member Christopher “Dong” Baricuatro ang chairmanship sa duh aka dagkong komitiba sa Hunta Probinsyal sumala pa ni Bise Gob. Agnes Magpale.

Si Magpale nagkanayon nga atol sa ilang caucus niadtong Lunes, si Baricuatro nipahibalo sa iyang desisyon nga mag-independente human ang iyang amahan nga si Cesar Baricuatro nidagan pagka mayor sa Dumanjug ubos sa One Cebu Party.  Atbangan ni Cesar si Dumanug Mayor Efren “Gungun” Gica sa mayoral race sa lungsod sa 2019 midterm elections. Matud ni Dong, nga adunay "conflict" ang iyang amahan ug si Gica ug gusto usab ni Cesar nga tabangan ang Dumanjug maong nilansar kini pagka mayor.  Si Baricuatro nagkanayon nga aron dili madudahan ang iyang paggunit sa duha ka komitiba mas maayong buhian kini.

Si Board Member Jose Mari Salvador maoy nidawat sa chairmanship sa committee on health samtang si Board Member Jerome Librando usab ang mahimong chairman sa committee on education. (/IBM)(BANAT NEWS)